महाराष्ट्र

चंद्रपूर, दि. २४ ऑगस्ट २०२६: महावितरणचे संचालक (मानव संसाधन) श्री. राजेंद्र पवार यांच्या विद्युत क्षेत्रातील योगदानाबद्दल 'द इन्स्टिट्यूशन ऑफ इंजिनियर्स’ (भारत) संस्थेचा 'एमिनेंट इंजिनियर’ हा राष्ट्रीय पुरस्कार अमरावती येथे शुक्रवारी (दि. २१) राज्याचे महसूलमंत्री श्री. चंद्रशेखर बावनकुळे यांच्याहस्ते प्रदान करण्यात आला. ‘आयईआय’च्या ४१ व्या राष्ट्रीय विद्युत अभियंता अधिवेशनाचे अमरावती येथे शुक्रवारी (दि.२१) उद्घाटन झाले. या अधिवेशनात ‘विकसित भारताचे ध्येय: एआय आणि हरित तंत्रज्ञानाद्वारे ऊर्जा क्षेत्राचा कायापालट’ या विषयावर विचारमंथन झाले. सायंकाळच्या सत्रात ‘आयईआय’च्या वतीने जाहीर झालेला 'एमिनेंट इंजिनियर’ पुरस्कार महावितरणचे संचालक (मानव संसाधन) श्री. राजेंद्र पवार यांना महसूलमंत्री श्री. चंद्रशेखऱ बावनकुळे यांच्याहस्ते प्रदान करण्यात आला. यावेळी आमदार श्री. प्रवीण पोटे, आमदार श्री. प्रवीण तायडे, 'द इन्स्टिट्यूशन ऑफ इंजिनियर्स'चे (भारत) अध्यक्ष श्री. मनिष कोठारी, पदाधिकारी श्री. आनंद जवंजाळ, श्री. राम विघे, श्री. आर. आर. तंवर, श्री. सुनील राठी आदींची उपस्थिती होती. ‘अभियंता हे देशाच्या जडणघडणीचे शिल्पकार आणि मानवी प्रगतीचे शिलेदार आहेत. भारताच्या अभियंत्यांनी अफाट कौशल्याच्या जोरावर जगात अव्वल स्थान निर्माण केले आहे. जगातील सर्वोत्तम अभियंते भारतात आहेत. विद्युत क्षेत्रातील अभियंत्यांची अद्भूत कार्यक्षमता ऊर्जामंत्री म्हणून काम करताना मी जवळून अनुभवली आहे. एलिफंटा बेटासारख्या दुर्गम ठिकाणी समुद्रामधून भूमिगत वाहिनीद्वारे वीज पोहोचवण्याचे अशक्यप्राय आव्हान महावितरण व महापारेषणच्या अभियंत्यांनी लिलया पेलले. हा प्रकल्प म्हणजे भारतीय अभियांत्रिकीच्या कौशल्याचे एक उत्कृष्ट उदाहरण आहे!’ अशा शब्दांत महसूलमंत्री श्री. चंद्रशेखर बावनकुळे यांनी अभियंत्यांचा सन्मान केला. याआधीच्या सत्रात संचालक श्री. राजेंद्र पवार यांनी विकसित भारत २०४७ चे ऊर्जा उद्दिष्ट: आधुनिक ऊर्जा सुलभतेचा आराखडा आणि महाराष्ट्राची आघाडी’ या विषयावर सादरीकरणाद्वारे माहिती दिली. देशातील सर्वात मोठी व्यावसायिक संस्था असलेल्या 'द इन्स्टिट्यूशन ऑफ इंजिनिअर्स इंडिया'ची स्थापना १९२० मध्ये झाली आहे. कोलकाता मुख्यालय असलेल्या या संस्थेचे देशभरात १२५ पेक्षा अधिक स्थानिक केंद्र आहेत. विद्युत क्षेत्रामधील ३७ वर्षांच्या उल्लेखनीय योगदानाबद्दल श्री. राजेंद्र पवार यांचा या संस्थेकडून 'एमिनेंट इंजिनियर’ राष्ट्रीय पुरस्काराने गौरव करण्यात आला. फोटो नेम- Shri . Rajendra Pawar Director HR MSEDCL 22-08-2026 फोटो ओळ – अमरावती येथे 'एमिनेंट इंजिनियर’ हा पुरस्कार महसूलमंत्री श्री. चंद्रशेखर बावनकुळे यांच्याहस्ते महावितरणचे संचालक श्री. राजेंद्र पवार यांना प्रदान करण्यात आला.

चंद्रपूर ११ ऑगस्ट २०२६:- वाढत्या महागाईच्या काळात सामान्य ग्राहकांच्या खिशाला होणारी कात्री लक्षात घेता, महावितरणने राबविलेली ‘स्मार्ट टीओडी’ (Time Of Day) मीटर योजना चंद्रपूर आणि गडचिरोली जिल्हयातील...

चंद्रपूर : ईपीएस-९५ पेन्शनधारकांच्या प्रलंबित व न्याय्य मागण्यांवर त्वरित सकारात्मक निर्णय घेऊन देशातील व चंद्रपूर-वणी-आर्णी लोकसभा क्षेत्रातील हजारो वृद्ध पेन्शनधारकांना न्याय द्यावा, यासाठी खासदार...

मुंबई येथील ताज प्रेसिडेन्सी हॉटेलमध्ये एका नामांकित वृत्तपत्राद्वारे आयोजित नुकत्याच पार पडलेल्या दिमाखदार सोहळ्यातून चलवादी शिक्षण संस्था संचालित पुणे इंटरनॅशनल स्कूल अॅड ज्युनियर कॉलेजला...

दक्षिण ब्रम्हपुरी वनपरिक्षेत्रातील हळदा-आवळगाव परिसरात दहशत निर्माण करणारी नरभक्षी T-120 वाघीण अखेर वनविभागाच्या विशेष मोहिमेत जेरबंद करण्यात आली. या कारवाईमुळे परिसरातील नागरिकांना मोठा दिलासा...

सर्वसामान्य नागरिकांचे व शेतकऱ्यांचे महसुली प्रश्न सोडवण्यासाठी तसेच अधिकार अभिलेख (7/12 उतारा) अधिक पारदर्शक व अद्ययावत करण्यासाठी महसूल व वन विभागाच्या मार्गदर्शक सूचनांनुसार जिल्ह्यात...

शेतकऱ्यांच्या हितासाठी आ. सुधीर मुनगंटीवार यांचा ठाम पाठपुरावा; पीक विमा हप्ता कमी करण्याबाबत शासनाची सकारात्मक भूमिका आ.मुनगंटीवार यांनी चंद्रपूर-यवतमाळमधील अन्यायकारक पीक विमा दरांचा मुद्दा कृषी...

- केवळ चर्चेवर भर न देता कृतीवर भर - अल्प, मध्यम आणि दीर्घकालीन उपाययोजनांचा समावेश - चंद्रपूर परिसरातील प्रदूषण जास्तीत जास्त नियंत्रणात आणण्यासाठी उद्योगांना स्पष्ट व...

चंद्रपूर, दि.20 : विशेष सखोल पुनरीक्षण (एसआयआर) कार्यक्रमांतर्गत चंद्रपूर जिल्ह्यातील सहा विधानसभा मतदारसंघांमध्ये 1200 पेक्षा जास्त मतदार असलेल्या 331 मतदान केंद्रांचे सुसूत्रीकरण करण्यात येत...

*खासदार प्रतिभा धानोरकर यांच्या उपस्थितीत भजनाने रंगले आंदोलन; अबीर-गुलाल उधळत पांडुरंग गायले*   चंद्रपूर : अयोध्या श्रीराम मंदिर देणगी संदर्भात समोर आलेले आर्थिक आणि प्रशासकीय गैरव्यवहाराचे...